काठमाडौँ – बलिउड अभिनेत्री आलिया भट्ट आमा बन्न लागेकी छिन् । आलिया आफैले आमा बन्ने खुशीको खबर सामाजिक सञ्जाल मार्फत दिएकी हुन् । उनले अस्पतालको एउटा तस्बिर शेयर गरेकी छिन् । तस्बिरमा उनले अल्ट्रासाउन्ड गराइरहेकी छिन्, जसमा उनीसँगै श्रीमान् रणवीर पनि देखिएका छन् । आलियाले अस्पतालको फोटो शेयर गर्दै लेखेकी छिन्, ‘हाम्रो बच्चा छिट्टै आउँदैछ’। आलिया–रणवीर अहिले लण्डनमा छन् । यो खबर आउने बित्तिकै उनीहरुका साथीदेखि उद्योगका फ्यानहरुले जोडीलाई बधाई दिइरहेका छन् ।
रणवीर र आलियाको विवाह मुम्बईस्थित आफ्नो घर वास्तुमा नजिकका साथीभाइ र परिवारका बीचमा भएको थियो । ५ वर्ष डेटिङ गरेपछि दुवैले १४ अप्रिल २०२२ मा विवाह गरेका थिए । यो जोडी सन् २०१७ मा ‘ब्रह्मास्त्र’ को सेटमा भेटिएको थियो । त्यसयता दुवै एकअर्कालाई डेट गर्दै थिए ।
रणवीरको आगामी प्रोजेक्टहरू मध्ये लभ रञ्जनको शीर्षकविहीन रोमान्टिक कमेडी फिल्म हो। जसमा उनी श्रद्धा कपुरको अपोजिटमा देखिनेछन् । अभिनेता अयान मुखर्जीको फिल्म ‘ब्रह्मास्त्र पार्ट वन’ को पनि एक हिस्सा हुन्। फिल्ममा आलिया भट्ट, अमिताभ बच्चन, नागार्जुन र मौनी रोय पनि मुख्य भूमिकामा छन् ।
यो फिल्म रणवीर र आलियाको सँगै पहिलो फिल्म हुनेछ, जुन ९ सेप्टेम्बर २०२२ मा सिनेमाघरमा रिलिज हुनेछ। आलियाको कुरा गर्ने हो भने अभिनेत्री रणवीर सिंहको अपोजिट ‘रकी और रानी की प्रेम कहानी’ मा देखिनेछिन् । आलिया हाल लण्डनमा आफ्नो पहिलो अन्तर्राष्ट्रिय प्रोजेक्ट ‘हार्ट अफ स्टोन’ को सुटिङमा छिन् ।
