कबड्डी-४ को प्रदर्शन रोक्न माग गर्दै सीडीओ कार्यालयमा उजुरी

काठमाडाैं – देशभर प्रदर्शन भइरहेको चलचित्र कबड्डी- ४ को प्रदर्शन रोक्न माग गर्दै जिल्ला प्रशासन कार्यालय काठमाडौंमा उजुरी दर्ता भएको छ । उक्त चलचित्रमा बौद्ध धर्मको मानमर्दन हुने दृश्य र कथा समावेश गरिएको भन्दै रोविन कुमार लामाले प्रदर्शन रोक्न माग गरी उजुरी दर्ता गराएका हुन् ।

लामाले चलचित्र जाँच समिति, सञ्चार तथा सूचना प्रविधि मन्त्रालयसहितलाई विपक्षी बनाएर उजुरी दर्ता गराएका छन् । सोमबार १२३१ नम्बरमा उनको उजुरी दर्ता भएको छ ।