पल शाहलाई थुनामै राख्न उच्च अदालतको आदेश

काठमाडाैं –  अभिनेता पल शाहलाई उच्च अदालत पोखराले थुनामै राख्न आदेश दिएको छ । नाबालक बालिकालाई बलात्कार गरेको आरोपमा हिरासतमा रहेका अभिनेता शाहको साधारण तारेख मागसम्बन्धी निवेदनमा उच्च अदालत पोखराले जिल्ला अदालत तनहुँको फैसलालाई नै सदर गरेपछि उनले कुनै राहत नपाउने भएका हुन् ।

न्यायधीशद्वय उज्वल शुक्ल र श्रीधराकुमारी पुडासैनीको संयुक्त इजलासले जिल्ला अदालतको थुनामा राख्ने फैसलालाई सदर गरेको हो । जिल्ला अदालत तनहुँले १० चैतमा उनलाई पुर्पक्षका लागि जेल चलान गरेको थियो । १५ चैतमा उच्च अदालतमा बाहिर बसेर मुद्दा लड्न पाउने माग गरी पल शाहले निवेदन दिएका थिए । त्यसपछि लगातार ४ पटक पेसी सरेको थियो ।

नाबालक गायिकाले आफुलाई बलात्कार गरेको आरोप लगाउदै निवेदन दिएपछि ११ फागुनमा शाहले अदालतमा आत्मसमर्पण गरेका थिए ।