नविन र मेलिनाको स्वरमा ‘मन परेरै हो…’(भिडिओसहित)

काठमाडौं – लोक गायक नविन पौडेलको नयाँ गीत ‘मन परेरै हो’ सार्वजनिक भएको छ । गीतमा पौडेललाई गायिका मेलिना राईले स्वरमा साथ दिएकी छन् ।

दिग्गज धौरालीको शब्द रहेको गीतमा गायक पौडेलकै संगीत छ । गीतको एरेन्ज कृष्ण विकले गरेका हुन् । डान्सिङ प्याटमा बनेको गीतको आकर्षक भिडिओ निर्माण भएको छ । जसमा दिनेश पौडेल, विवेक खड्का, सविना गुरुङ, सरु राई, रचना दर्नाल, सोनी विक र नवराज मगरको अभिनय देख्न सकिन्छ ।

गीतको भिडिओलाई विवेक खड्काले सम्पादन तथा निर्देशन गरेका हुन् । गायक नविनले ‘लेउ खुकुरी लेउ’, ‘के सम्झनु छ र जान्न म त त्यो घर’, ‘फूलेको तोरीलाई हुर्किएकी छोरीलाई जोगाउनै गाह्रो’ लगायत गीतमा स्वर दिएका छन् ।