पल प्रकरण : नाबालिग गायिकाले अदालतमा बयान फेरिन्

काठमाडौं । अभिनेता पल शाह (पूर्णविक्रम शाह) विरुद्धको जबरजस्ती करणीको मुद्दामा नाबालिग गायिकाले अदालतमा बयान फेरेकी छिन् । उनले आज जिल्ला अदालत तनहुँमा बकपत्र दिने क्रममा बयान फेरेकी हुन् ।

उनले जाहेरीमा उल्लेखित विवरण सत्य नभएको बताउँदै अभिनेता शाहले आफूमाथि करणी नगरेको बयान दिएको उनको पक्षमा वकालत गरिहेका एक कानुन व्यवसायीले बताए । अरूको उक्साहटमा आफूले अभिनेता शाहविरुद्ध बयान दिएको ती गायिकाले बताएकी छिन् । उनका बुवाको बकपत्र भने बाँकी छ ।

गत फागुन १५ गते आफैं प्रहरी कार्यालय पुगेर आत्मसमर्पण गरेका शाहविरुद्ध मंगलबार जिल्ला अदालतमा मुद्दा दर्ता भएको थियो ।  शाहलाई १२ देखि १४ वर्ष कैद र ४ लाख रुपैयाँ जरिवाना माग गर्दै जिल्ला सरकारी वकिल कार्यालय नवलपुरले चैत ३ गते मुद्दा दायर गरेको थियो ।