काठमाडाैं – समीक्षा अधिकारी र कृष्ण काफ्लेको स्वरमा रहेको ‘नो मनि’ बोलको म्यूजिक भिडियो सार्वजनिक भएको छ । गीतमा विजय गिरीको शब्द, सरोज प्याकुरेलको संगीत र विषम आचार्यको संगीत संयोजन रहेको छ ।
महेन्द्र निरौलाको निर्देशनमा बनेको भिडियोमा सुरेश कोली र मनिषा थापाको अभिनय रहेको छ । भिडियोको कथावस्तुमा पैसा नभएका साथी सर्कलको रमाइला घटनाहरू समेटिएको छ । घरबाट अभिभावकले पकेट मनि नदिने, पैसा पाउँदा पनि मोबाइलको डाटामा सकिने, पढाइमा कम मायामा बढी ध्यान जाने लगायतका विषय गीतमा समेटिएको छ ।
यस गीतबाट युवाहरूमाझ सकारात्मक सन्देश दिन खोजेको गीतकार गिरीले बताए । यो गीत छायांकन गर्दा भक्तपुरको एउटा चोकको नाम नै ‘नो मनी चोक’ बनाइएको निर्देशक निरौलाले बताए ।
ए प्लस स्टुडियोमा रेर्कडिङ भएको गीतलाई कुसल थापाले रेर्कडिङ गरेका छन् भने साजन साहले मिक्सिङ तथा मास्टरिङ गरेका छन् । गीतको भिडियोलाई सुशील डाँगीले छायांकन गरेका छन् भने निराजन केसीले सम्पादन गरेका छन् ।
भिडिओ
