अस्कर अवार्डमा हंगामाः विल स्मीथले क्रिस रकलाई स्टेजमै हाने झापड

काठमाडौँ – अस्कर अवार्ड समारोहमा विल स्मीथले क्रिस रकलाई झापड हानेका छन्। अवार्ड प्रस्तुत गर्नका लागि स्टेजमा आएका क्रिसले स्मीथकी श्रीमतीको नाम लिएर व्यंग्य गरेका थिए। त्यसपछि स्मीथ आफ्नो मेचबाट उठेर स्टेजमै पुगेर क्रिसमाथि झापड हानेका हुन्।

सुरुमा सबैले यसलाई पूर्वतयारी गरिएको व्यंग्यात्मक प्रस्तुति ठानेका थिए। तर घटना त्यस्तो नरहेको केहीबेरमै थाहा भएको थियो। क्रिसलाई झापड हानेका स्मीथले सर्वोत्कृष्ट अभिनेताको अवार्ड जिते। किङ रिचार्डका लागि उनले अवार्ड जितेका हुन्।

अवार्ड लिने क्रममा उनले क्रिसमाथि प्रहार गरेको झापडका लागि माफी मागेका छन्।