चिनियाँ विदेशमन्त्रीले बुझाए पोखरा विमानस्थलको चाबी

काठमाडौं । चिनियाँ विदेशमन्त्री वाङ यीले पोखरा क्षेत्रीय अन्तर्राष्ट्रिय विमानस्थलको चाबी नेपाललाई बुझाएका हुन् । शनिबार साँझ बालुवाटारमा प्रधानमन्त्री शेरबहादुर देउवाको उपस्थितिमा विदेशमन्त्री वाङले परराष्ट्रमन्त्री डा. नारायण खड्कालाई विमानस्थलको चाबी बुझाएका हुन् ।

प्रधानमन्त्रीको सचिवालयका अनुसार चिनियाँ ऋण सहयोगमा पोखरा विमानस्थल विस्तारको काम भएको थियो । चीनको एक्जिम बैंकले २ प्रतिशत ब्याजदर कायम गरी पोखरा विमानस्थल बनाउन नेपाललाई २१ अर्ब ६० करोड रुपैयाँ ऋण दिएको थियो ।