टाेकियाे – संसारको सबैभन्दा ठूलो फास्ट फुड कम्पनी म्याकडोनल्ड्स जापानमा फ्रेन्च फ्राइजको कमीसँग जुधिरहेको छ । आपूर्तिमा समस्याका कारण यस्तो समस्या निम्तिएको कम्पनीले जानकारी दिएको छ । कम्पनीका अनुसार उसको फ्रेन्च फ्राइजका लागि विशेष प्रकारको आलु प्रयोग हुने गर्छ ।
ती आलु जापान पुग्न ढिलो भइरहेको कम्पनीले जनाएको छ । यसै कारण कम्पनी ३० डिसेम्बरसम्म आफ्नो फ्रेन्च फ्राइजलाई कमै बेच्ने जानकारी दिएको छ । कम्पनीले भनेको छ, ‘म्याकडोनल्ड्स जापान आफ्नो मिडियम र लार्ज फ्रेन्च फ्राइजको बिक्रिलाई सीमित गरिरहेको छ ता कि जापानका उसको उपभोक्ता फ्रेन्च फ्राइजको आनन्द लिइरहुन् ।’
कम्पनीले बीबीसीसँगको कुराकानीमा जापानका उसका उपभोक्ता सानो प्याक भएको फ्रेन्च फ्राइज अर्डर गर्न सक्छन् । म्याकडोनल्ड्सका अनुसार कम्पनीले साधारणतया क्यानडाको भेन्कुवर नजिकैको बन्दरगाहबाट आलु निर्यात गर्छ ।
तर बाढीका कारण भएको हानी र कोरोनाका कारण प्रभावित भएको सप्लाई चेनका कारण यसमा ढिलाइ भइरहेको छ । कम्पनीले आलुको आपूर्तिमा बाधा उत्पन्न नहोस् भन्नका लागि विमान सेवाको प्रयोग गर्नेलगायतका विकल्प पनि अपनाइने जानकारी दिएको छ ।
