काठमाडौं – राष्ट्रिय ध्वजाबाह नेपाल एयरलाइन्सले डेरी उत्पादन सरकारी स्वामित्वको दुग्ध विकास संस्थानबाट मात्र खरिद गर्ने भएको छ । नेपाल एयरलाइन्सले आफूलाई चाहिने दुग्ध पदार्थबारे दुग्ध विकास संस्थानसँग छलफल अघि बढाएको हो ।
एयरलाइन्सले उडानको क्रममा यात्रुलाई दिने डेरी उत्पादन वर्षेनी १५ करोडसम्मको खरिद गर्ने गरेको छ । चिज,बटर, दूध जस्ता पदार्थ एयरलाइन्सले खरिद गर्दै आएको छ । देशकै किसानले उत्पादन गरेको दूधबाट बनेका पदार्थहरुले बजार नपाउने अर्कोतिर सरकारकी स्वामित्वकै एयरलाइन्सले वर्षमा करोडौंको दुग्ध पदार्थ विदेशमा बनेको प्रयोग गर्ने अवस्था अन्त्य गर्न आफूले यो प्रस्ताव अघि सारेको नेपाल एयरलाइन्सका महाप्रबन्धक डिमप्रकाश पौडेलले बताए ।
उनका अनुसार सरकारी स्वामित्वकै संस्थाबाट खरिद गर्न सके नेपाली उत्पादनमात्र खपत हुन्छ । ‘यसका लागि तत्कालिन कृषिमन्त्री पद्मा अर्याल हुँदा छलफल अघि बढेको थियो,’ उाले भने । नेपालमा दूग्ध पदार्थको उत्पादन बढ्दै गएपनि विदेशबाट हुने आयात रोकिएको छैन ।
