काठमाडौं – पछिल्लो २४ घण्टामा देशभर ६८२५ जना नयाँ संक्रमित थपिएका छन् । एन्टिजेन र पिसिआर परीक्षणमा ६८२५ जनामा कोरोना संक्रमण पुष्टि भएको स्वास्थ्य मन्त्रालयले जानकारी दिएको छ ।
स्वास्थ्य मन्त्रालयका अनुसार २४ घण्टामा देशभरका विभिन्न प्रयोगशालामा गरी १८ हजार ५६२ पिसिआर परीक्षण गरिएको छ । ३२११ एन्टिजेन परीक्षण भएको छ । स्वास्थ्य मन्त्रालयले दिएको विवरण अनुसार योसँगै नेपालमा पिसिआर परीक्षणबाट संक्रमित पुष्टि हुनेको कुल संख्या ५ लाख ८६ हजार ५०९ जना पुगेको छ ।
२४ घण्टामा ५९०४ जना कोरोनामुक्त भएका छन् । यो सँगै नेपालमा कोरोनामुक्त हुनेको संख्या ४ लाख ६७ हजार ४६७ पुगेको छ । अहिले देशभर सक्रिय संक्रमितको संख्या १ लाख १ हजार ८३९ जना रहेको स्वास्थ्य मन्त्रालयले जनाएको छ ।
पछिल्लो २४ घण्टामा ७५ जना संक्रमितको मृत्यु भएको छ । नेपालमा कोरोनाबाट मृत्यु हुनेको जम्मा संख्या ७६३० पुगेको छ । अघिल्लो दिनको तुलनामा आज मृत्यु हुनेको संख्या भने केही घटेको छ । बुधबार १०१ जनाको मृत्यु भएको थियो ।
