थप ९२ सयमा कोभिड, २१४ जनाले गुमाए ज्यान

काठमाडौं – पछिल्लो २४ घण्टामा कोरोना संक्रमणबाट २१४ जनाले ज्यान गुमाएका छन् ।

स्वास्थ्य तथा जनसंख्या मन्त्रालयले दिएको विवरण अनुसार देशका विभिन्न अस्पतालमा मृत्यु भएका र नेपाली सेनाले गरेको शव व्यवस्थापनको तथ्यांकका आधारमा २१४ जना संक्रमितको मृत्यु पुष्टि भएको हो ।

यो सँगै नेपालमा कोरोना संक्रमणका कारण मृत्यु हुनेको संख्या ५२१५ पुगेको छ । पछिल्लो २४ घण्टामा ९२४७ जनामा संक्रमण पुष्टि भएको छ । कोरोनामुक्त हुनेको संख्या ५७६७ छ ।