काठमाडौं – प्रधानमन्त्री केपी ओलीका प्रेस सल्लाहकार सूर्य थापासहित उनको सचिवालयका तीनजनामा संक्रमण पुष्टि भएको छ ।
प्रेस सल्लाहकार थापाले सामाजिक सञ्जालमार्फत आफूलाई दोस्रोपटक कोरोना संक्रमण भएको जानकारी गराएका छन् । प्रधानमन्त्रीका प्रमुख स्वकीय सचिव इन्द्र भण्डारी र सचिवालयका अर्का एक सदस्यमा पनि कोरोना संक्रमण पुष्टि भएको हो ।
प्रधानमन्त्री ओलीको भने रिपोर्ट नेगेटिभ आएको छ । शुक्रबार प्रधानमन्त्री ओलीसहित १५१ जनाको स्वाब संकलन गरिएको थियो । प्रेस सल्लाहकार थापा र सचिव भण्डारीलाई कोरोना संक्रमण भएको यो दोस्रोपटक हो ।
