काठमाडौं – काठमाडौंको फुटुङमा बर्डफ्लु फेला परेको छ । तारकेश्वर नगरपालिका–७, फुटुङमा पालिकाएका हाँस र टर्कीमा बर्डफ्लु भेटिएको पशुसेवा विभागले जानकारी दिएको छ ।
फुटुङबाट संकलन गरिएको नमूनाको केन्द्रीय पशुपंक्षी रोग अन्वेषण प्रयोगशालामा गरिएको पीसीआर परीक्षणमा बर्ड फ्लु देखिएको विभागले जनाएको छ । शुक्रबार बर्ड फ्लु पुष्टि हुने बित्तिकै सो क्षेत्रमा पालिएको पशुपंक्षी नष्ट गरिएको विभागले जनाएको छ ।
विभागले १ हजार ८ सय ६५ वटा हाँस, ६ सय २२ वटा बटाई, ३२ कुखुरा, २५ टर्की, ५४२ अण्टा र ७५ केजी दाना नष्ट गरिएको जनाएको छ । भारतमा बर्ल्डफ्लु देखिएपछि नेपालमा पंक्षीजन्य वस्तुहरुको आयातमा रोक लगाउँदै आएको थियो । काठमाडांँमै बर्डफ्लु देखिएपछि थप कडाइ गर्ने तयारी विभागले थालेको छ ।
