नेपालमा कोरोनाः ५ जनाले ज्यान गुमाए, २७० संक्रमित थपिए

काठमाडौं – पछिल्लो २४ घन्टामा देशभर थप २७० जना कोरोना भाइरस संक्रमित फेला परेका छन् । ३ हजार ८४ जनाको पिसिआर परीक्षण गर्दा उक्त संख्यामा संक्रमित थपिएको स्वास्थ्य तथा जनसंख्या मन्त्रालयले जनाएको छ ।

थपिएकामध्ये १७२ जना संक्रमित काठमाडौं उपत्यकाका छन् । यो अवधिमा ३९० जना निको भएर घर फर्किएका छन् भने कोरोना भाइरसकै कारण ५ जनाको मृत्यु भएको छ । हालसम्म नेपालका दुई लाख ६६ हजार ८ सय १६ जनामा कोरोना भाइरसको संक्रमण देखिएको छ ।