काठमाडौं – करिब ६ दर्जन बढी कलाकर्मी अवार्ड तथा पुरस्कारबाट सम्मानित भएका छन् । पावर ईन्टरनेशनल मिडियाले शनिबार राजधानीमा आयोजना गरेको ‘नेशनल पावर न्यूज म्यूजिक अवार्ड २०२०’मा कलाकर्मी तथा उनीहरुको श्रृजनालाई पुरस्कार तथा अवार्ड प्रदान गरिएको हो ।
नेपाली वाहेक १३ अन्य भाषाका गीत संगीतलाई समेत अवार्ड दिइएको कार्यक्रममा ‘नेशनल पत्रकारिता पुरस्कार २०२०’ रातोपाटीकर्मी कुवेर गिरीलाई प्रदान गरिएको थियो । कार्यक्रममा गायक सिताराम पोखरेल, पत्रकार नवराज बजगाई (काभ्रे), पत्रकार शिव ढकाल (नुवकोट), पत्रकार सुजन विश्वकर्मा (पोखरा) र डब्बु क्षेत्री समेत सम्मानित भए ।
सोही अवसरमा भिडियो निर्देशक बविता वस्नेत, गायक शशीबिक्रम थापा समेत सम्मानित भएका थिए । कलाकर्मी र उनीहरुको श्रृजनालाई सम्मान गर्ने उदेश्यले कार्यक्रम आयोजना गरिएको आयोजक संस्थाका अध्यक्ष माधव खरेलले बताए । अवार्ड आयोजक समितिको संयोजकमा कमला जोशी रहेकी थिइन् ।
