काठमाडौं – चीनको दक्षिण पश्चिम गुइझाओ प्रान्तमा नोभेम्बर २९ सम्ममा तीब्र गतिको इन्टरनेट सेवा फाइ-जीका लागि १६ हजार ८५३ वटा आधारभूत स्टेसन निर्माण गरिएको छ ।
स्थानीय अधिकारीहरुले गुइझाओ प्रान्तमा औद्योगिक, पर्यटन, शिक्षा र अन्य क्षेत्रमा तीब्र गतिको फाइभ-जी प्रविधि प्रयोग गर्ने लक्ष्यका साथ काम अघि बढेको जनाएका छन् ।
प्रान्तको औद्योगिक उत्पादनलाई सघाउन तथा स्मार्ट औद्योगिक पार्क र सरकारी सेवालाई प्रभावकारी तुल्याउन फाइभ-जी सेवालाई प्रयोगमा ल्याइने पनि अधिकारीहरुले बताएका छन् । विश्वमा फाइभ-जी भर्खरै परिचित हुँदै गर्दा चीनले हालै सिक्स-जी प्रविधि अन्तरिक्षमा परीक्षणका लागि भूउपग्रह प्रक्षेपण गरेको थियो । सिन्ह्वा
