जापानमा कोरोनाले भन्दा आत्महत्याले धेरै मानिसको मृत्यु

टोकियो – कोरोना भाइरसका कारण जापानमा अहिलेसम्म २ हजारभन्दा धेरैको मृत्यु भइसकेको छ ।

तर सरकारले कोरोनाकालमा कोरोनाले भन्दा बढी आत्महत्याका कारण मानिसहरूको मृत्यु भएको पुष्टि गरेको छ । जापानको राष्ट्रिय पुलिस एजेन्सीद्वारा अक्टुबर महिनामा २१ सय ५३ जनाले आत्महत्या गरेको एक तथ्यांक सार्वजनिक भएको छ । जुन अक्टोबर महिनामा कोरोना भाइरसबाट मृत्यु हुनेको संख्याभन्दा बढी हो ।

विशेषज्ञले जापानमा आत्महत्याको कारणमा बढी समय काम, स्कुलका कारण हुने तनाव, सामाजबाट एक्लोपन, मानसिक स्वास्थ्यलगायत कारण बताएका छन् । बढी आत्महत्या गर्नेमा पुरुष भन्दा बढी महिलाहरू रहेको स्थानीय सञ्चारमाध्यमहरूको दाबी छ । अक्टोबर महिनाभित्र मात्र ८३ प्रतिशतले महिलाबाट आत्महत्या दरमा वृद्धि भएको छ । जबकि पुरुषको आत्महत्या दर २२ प्रतिशतले बढेको छ ।