कोरोनाबाट थप २५ जनाको मृत्यु, मृतकको संख्या १४७९ पुग्यो

काठमाडौं – कोरोनाबाट थप २५ जनाको मृत्यु भएको छ । पछिल्लो २४ घण्टामा २५ जनाको ज्यान गएसँगै हालसम्म कोरोना संक्रमणबाट मृत्यु हुनेको संख्या १४७९ पुगेको छ ।

त्यस्तै पछिल्लो २४ घण्टामा नेपालमा थप १२५५ जनामा कोरोना संक्रमण पुष्टि भएको छ ।  यससँगै नेपालमा हालसम्म कोरोना संक्रमण हुनेको संख्या २३१९७८ जना पुगेको छ ।

स्वास्थ्य तथा जनसंख्या मन्त्रालयका अनुसार आज १४०४ जना कोरोना संक्रमित निको भएका छन् । यससँगै हालसम्म कोरोना निको हुनेको संख्या २१२५९० पुगेको छ । त्यस्तै हाल १७९०९ जना कोरोनाका सक्रिय संक्रमित रहेका छ्न ।