एकैदिन थप १६ जनाको कोरोनाका कारण मृत्यु

काठमाडौं – कोरोनाबाट नेपालमा थप १६ जनाको मृत्यु भएको छ । यससँगै हालसम्म मुलुकमा कोरोनाका कारण ज्यान जानेको संख्या १३३७ पुगेको स्वास्थ्य तथा जनसंख्या मन्त्रालयले बताएको छ ।

त्यस्तै पछिल्लो २४ घण्टामा नेपालमा थप १९८० जनामा कोरोना संक्रमण पुष्टि भएको छ । यससँगै हालसम्म मुलुकमा २२२२८८ जनामा कोरोना संक्रमण पुष्टि भइसकेको छ । स्वास्थ्य तथा जनसंख्या मन्त्रालयका अनुसार संक्रमितमध्ये २०२०६७ जना कोरोना संक्रमित निको भइसकेका छन् । जसमध्ये आज मात्रै ३०४३ जना संक्रमित निको भएका छन् ।

आज १०३८२ वटा नमूना पीसीआर परीक्षण गरिएको मन्त्रालयले जनाएको छ । यससँगै हालसम्म मुलुकमा १६७०४५६ वटा नमूना पीसीआर परीक्षण गरिएको मन्त्रालयको दाबी छ । यससँगै हाल मुलुकमा १८८८४ जना कोरोनाका सक्रिय संक्रमितहरू रहेका छन् । क्वारेन्टिनमा भने ६२९ जना रहेका छ ।