काठमाडौं – पूर्वप्रधानमन्त्री एवम् जनता समाजवादी पार्टीका नेता डा. बाबुराम भट्टराईले प्रधानमन्त्री केपी शर्मा ओलीका बेलगाम हर्कतले देश गम्भीर संकटतिर जाँदै गरेको बताएका छन् ।
शनिबार बिहान एक ट्वीट गर्दै भट्टराईले हिटलर पनि निर्वाचित नै भएको र उनले पनि राष्ट्रवादलाई नै हतियार बनाएको, तर आखिर के भयो भनी प्रश्न गरेका छन् । ट्वीटमा उनले संसद्बाटै सङ्कटमोचन गर्नुपर्नेमा नेकपाले किन अलमल गरेको भनि सोधेका छन् ।
प्रम@kpsharmaoli को वेलगाम हर्कतले देश गम्भीर संकटतिर जाँदैछ।कोरोना,अर्थतन्त्र,भ्रष्टाचार,विदेशनीति,जातीय/धार्मिक द्वेष,राज्यका अंग.!स्मरण रहोस् हिट्लर पनि निर्वाचित थिए;चरम राष्ट्रवाद उनको पनि हतियार थियो।आखिर के भयो?नेकपा किन अलमलमा?संसदबाटै संकटमोचन किन हुन्न?#ओलीहटाऔंदेशबचाऔं
— Baburam Bhattarai (@brb1954) July 18, 2020
पूर्वप्रधानमन्त्री डा.भट्टराई प्रधानमन्त्री ओलीका कटु आलोचक हुन् । प्रधानमन्त्री एवम् अध्यक्ष ओलीका कार्यसम्पादन र व्यवहारलाई लिएर अहिले सत्तारूढ नेकपाभित्र विवाद जारी छ ।
