टोकियो – जापान र चीनबीच टापुको सीमा विवाद पुन बल्झिएको छ ।
टोकियोबाट दक्षिण पश्चिममा एक हजार नौ सय ३१ किलोमिटर क्षेत्रफल रहेको उक्त टापुको विवाद सन् १९७२ बाट बढ्दै गएको हो । सो टापु जापानमा सेन्काकु र चीनमा डायाओयु भनेर चिनिने गरेको छ ।
जापानको ओकिनावा प्रान्तको इशिगा नगरपरिषदले विवादित टापुको प्रशासनिक स्थिति परिवर्तन गर्ने कानूनलाई अनुमोदन गरेसँगै दुवै देश विवादमा तानिएका हुन् । उक्त टापुसमूहमा दुवै देशको दाबी छ ।
अघिल्लो साता जापानका तटरक्षकहरूले चिनियाँ सरकारी जहाजहरू अप्रिल महिनाको मध्यदेखि दिनदिनै उक्त टापुमा देखिन थालेको बताएका छन् ।
चीनले सयौं वर्ष पूरानो उक्त टापु आफ्नो क्षेत्रमा रहेको दावी गरेपनि जापानले चीनको दावी गलत भएको भन्दै आफ्ना गतिविधिहरु सञ्चालन गर्दै आएको छ ।