काठमाडौँ – स्मार्ट फोन प्रयोगकर्ताहरुका लागि युट्युब अपरिहार्य जस्तै बनेको छ । युट्युबमा दैनिक हजारौंको संख्यामा नयाँ भिडियो अपलोड हुन्छन् । कुनै रमाइलोका लागि त कुनै ज्ञानवर्द्धक सामग्री पस्किएका हुन्छन् ।
युट्युब हेरेर समय बिताउनेको संख्या पनि ठूलो छ । अडियो र भिडियोसहित धेरै कुराको जानकारी लिन युट्युब उपयुक्त माध्यम भएपनि कहिले काहिँ भिडियो अड्किने, स्लो हुने र नचल्ने समस्याले प्रयोगकर्तालाई हैरान बनाइरहेको हुन्छ ।
यदि तपाईले पनि त्यस किसिमको समस्या भोगिरहनु भएको छ यहाँ केही समाधानका उपाय प्रस्तुत गरिएका छन्, जुन तपाइका लागि निकै उपयोगी हुनसक्छ ।
तपाईको फोन, डेक्सटप, ट्याबलेटमा ब्राउजर खोल्नुहोस् । त्यसमा युट्युब खोलेर देब्रे साइडको माथि पट्टी रहेको तीन धर्का भएको मेनुमा क्लिक गर्नुहोस् । स्मार्टफोनमा हो भने हिस्ट्रीमा क्लिक गरि क्लियर ब्राउजिङ डाटा गर्नुहोस् । यदि डेक्सटप चलाइरहनु भएको छ भने, ‘मोर’ टुल्समा क्लिक गरी क्लियर ब्राउजिङ डाटा दबाउनुहोस् ।
एन्ड्रोइड, म्याक र पीसीका प्रयोगकर्ताले समय सिमा छनोट गरि डेटा हटाउन सक्नुहुनेछ । तर, आईफोन प्रयोगकर्ताले भने यो सुविधा पाउने छैनन् । त्यसपश्चात त्यहाँ देखाइएका अप्सनहरु मध्य ‘कुकिज एण्ड साइड डेटा’ वा ‘केच इमेज एण्ड फाइल’ छनोट गर्नुहोस् । अन्त्यमा क्लियर डेटा गरेर युटुबको भिडियो स्लो हुने समस्या कम गर्न सक्नुहुनेछ ।
त्यस्तै युट्युवको क्वालिटी परिवर्तन गरेर पनि स्लो हुने समस्याको समधान गर्न सक्नुहुनेछ । त्यसका लागि युट्युब भिडियो ओपन गरेर भिडियोको दाहिने साइडको माथि कुनामा रहेको तीन प्वाइन्टर गियर आइकनमा क्लिक गर्नुहोस् ।
त्यहाँ दिएको क्वालिटी अप्सनमा क्लिक गरि सबैभन्दा कम क्वालिटी छनोट गर्न सकिनेछ । यसले भिडियो क्वालिटी घट्छ तर भिडियो रोकिने समस्या बन्द हुुन्छ ।
पछिल्लो समय नेटको स्पीड अनुसार युट्युले भिडियोको क्वालिटी अटो मेनेज गर्दछ ।
