होक्काइदो म्याराथनमा नेपाली धावक

काठमाडौं । नेपाली एथ्लेटिक्स खेलाडी होमलाल श्रेष्ठ र राजपुरा पचहाइले जापानको होक्काइदोमा आयोजना हुने हाइकादो म्याराथनमा सहभागिता जनाउने भएको छ ।

नेपाल ओलम्पिक कमिटी र तामुरा सिटी फुकुसिमा सहरको स्पोर्ट्स एक्सचेन्ज कार्यक्रम नेपाली टोलीले उक्त म्याराथनमा सहभागिताको मौका पाएको हो । होक्काइदो म्याराथन २१ बाट २६ अगस्टमा आयोजना हुँदैछ । प्रशिक्षकमा धनीराम चौधरी र ओलम्पिक कमिटीका आयुष जोशी टोलीसँगै जानेछ । ४ सदस्यीय नेपाल टोलीलाई संसद् तथा नेपाल ओलम्पिक कमिटीका अध्यक्ष जीवनराम श्रेष्ठ, पूर्व खेलकुदमन्त्री दलजत विके श्रीपाइलीलगायतले बिदाइ गरे । कार्यक्रममा ओलम्पिक कमिटिका सदस्य निलेन्द्र राज श्रेष्ठ, कार्यकारी सचिव सुजनलाल श्रेष्ठ, एथलेट सोसाइटीका संयोजक सुजन कोइराला पनि उपस्थित रहेका थिए ।