सिजनको पहिलो खेलमा रियल मड्रिडको परीक्षा

काठमाडाैं – स्पेनिस ला लिगा फुटबलमा रियल मड्रिडले सिजनको पहिलो खेल खेल्दैछ । शनिबार आज राति पौने ९ बजे रियल मड्रिड र सेल्टाभिगोबीच प्रतिस्पर्धा हुन लागेको हो ।

गत सिजन खराब प्रदर्शनबीच गुज्रिएको रियल मड्रिडले कुनै उपाधि हात पार्न सकेन । प्रिसिजनका धेरै खेलहरुमा पनि मड्रिडले हार व्यहोर्यो । त्यसैले यतिबेला मड्रिडले सिजनको पहिलो खेल कस्तो खेल्ला भन्ने सबैको चासो छ । मड्रिडको खेललाई ला लिगाको फेसबुक पेजमा लाइभ हेर्न सकिनेछ ।

नयाँ सिजनमा रियल मड्रिडले स्टार इदेन ह्याजार्ड अनुबन्ध गरेको छ । आजको खेल ह्याजार्डसँगै मड्रिडको परीक्षाको रुपमा हेरिएको छ । लिगमा शुक्रबार राति बार्सिलोनालाई पराजित गरेको टोली एथ्लेटिको बिल्बाओ ३ अंकसहित शीर्ष स्थानमा छ । बार्सा १-० ले पराजित भएको थियो ।