ट्राइल दिन गोलकिपर किरण कुमार चेमजोङ जापान जाँदै

काठमाडौं – नेपाली राष्ट्रिय फुटबल टोलीका पहिलो रोजाइका गोलकिपर किरण कुमार चेमजोङ जापानी क्लबमा ट्राइल दिन जाने भएका छन् । अखिल नेपाल फुटबल संघ (एन्फा)का महासचिव इन्द्रमान तुलाधरनले उनलाई मंगलबार विदाई गरेका हुन् ।

किरणले जापानी लिग ३ को क्लब फुजाइद एमवाईएफसीमा ट्रायल दिने छन् । उनले जापानमा २० दिनको प्रशिक्षण गर्ने तालिका रहेको छ । फिफा विश्वकप २०२२ को छनोटको अभ्यासमा व्यस्त रहेका किरण बुधबार जापान जानेछन् ।

मंगलबार मात्रै राष्ट्रिय टोलीका मुख्य प्रशिक्षक योहान कालिनले विश्वकप छनोटको प्रारम्भिक ३१ खेलाडीको नाम सार्वजनिक गरेका थिए ।