काठमाडाैं – नेपाल टेलिकमले मिस्ड कल एलर्ट सेवा पुन: सञ्चालन गर्ने भएको छ । गणतन्त्र दिवसको अवसरमा कम्पनीले सो सेवा भोलिदेखि पुन: सञ्चालनमा ल्याउने भएको हो । जीएसएम पोष्टपेड तथा प्रिपेड मोबाइलमा यो सेवा उपलब्ध हुने टेलिकमले जनाएको छ ।
टेलिकमका अनुसार यो सेवा शुरु भएप्छि सेवाग्राहीको नम्बर व्यस्त, नेटवर्क नभएको र स्वीच अफ भएको अवस्थामा कसैको कल आएमा पछि त्यसको वारेमा एसएमएस मार्फत नोटिफिकेसन आउनेछ । सेवा लिन उपभोक्ताले sub mca लेखेर १४०० मा एसएमएस गर्ने वा *1400# डायल गर्नुपर्ने टेलिकमले जनाएको छ । यसैबीच, दिवसकै अवसरमा कम्पनीले १८ रुपैयाँमै एक घण्टासम्म भ्वाइस, एसएमएस र डाटा चलाउन सकिने ‘अनलिमिटेड प्याक’ अफर ल्याएको छ ।
त्यसैगरी १२ रुपैयाँमा कम्पनीको नेटवर्क भित्र १ सय २० वटा एसएमएस पठाउन सकिने ‘एसएमएस प्याक’ पनि ल्याइएको छ । सो प्याक ५ दिन भित्र प्रयोग गरिसक्नु पर्नेछ । अनलिमिटेड र एसएमएस प्याक आजदेखि आगामी जेठ २८ गते सम्म खरिद गर्न सकिने प्रबक्ता प्रतिभा वैद्यले जानकारी दिनुभयो ।
