काठमाडौँमा एउटा भन्दा बढी स्थानीय तह बनाउन हुन्न : स्वास्थ्यमन्त्री थापा

काठमाडौँ – स्वास्थ्यमन्त्री गगन थापाले काठमाडौँमा एउटा भन्दा बढी स्थानीय तह बनाउन नहुने बताउनुभएको छ ।

नेपाली काँग्रेसले संख्या स्थानीय तहको संख्या र सिमाना निर्धारण आयोगले प्रस्ताव गरेकोभन्दा दोब्बर संख्यामा स्थानीय तह बनाउनुपर्ने बताएकोमा त्यही पार्टीबाट प्रतिनिधित्व गर्ने थापाले यस्तो बताउनुभएको हो ।

गणेशमान सिंह तथा जनआन्दोलन सहिद स्मृति शान्ति प्रतिष्ठानले शनिवार काठमाडौँमा गरेको कार्यक्रममा स्वास्थ्यमन्त्री थापाले मुलुकको राजधानी भएकाले नगरपालिकालाई गाभेर सिंगो काठमाडौँमा एउटा महानगरपालिका बनाइनुपर्ने बताउनुभयो । उहाँले स्थानीय तहको संख्याका विषयमा अहिले केही विवाद देखिएपनि स्थानीय तहको निर्वाचन आगामी चैत महिनामा हुने हुने दाबी पनि गर्नुभयो ।

चैत महिनामा निर्वाचन हुनेमा कुनै किसिमको शंका नगर्न पनि उँहाको आग्रह थियो ।