दोलखाको लामाबगरमा पहिरो, २ जनाको मृत्यु, ६ बेपत्ता

दोलखा – दोलखामा पहिरोमा पुरिएर २ जनाको मृत्यु भएको छ भने छ जना वेपत्ता भएका छन् ।

दोलखाको लामाबगर–४ मा बुधबार राति गएको पहिरोमा परी दुई जनाको मृत्यु भएको हो । पहिरोले पुरिएर ६ जना बेपत्ता भएका छन् । पहिरोले चार वटा घर बगाउँदा २ जनाको मृत्यु भएको हो । मृतकको सनाखत हुन सकेको छैन् ।

हराइ रहेकाहरुको खोजी भइरहेको प्रहरीले जनाएको छ । चारैतिर पहिरो गएकाले उद्धारका लागि नेपाली सेना, सशस्त्र प्रहरी र नेपाल प्रहरी परिचालन गरिएको छ ।