उत्तरी जापानमा ‘लायनरक’ तूफान, १० जनाको मृत्यु

टोकियो – जापानको उत्तर र उत्तरपूर्वी क्षेत्रमा मङ्गलबार बिहानदेखि आएको ‘लायनरक’ नामक तूफानको कारण १० व्यक्तिको मृत्यु हुनुको साथै अन्य तीनजना बेपत्ता भएका छन् । 

सञ्चारमाध्यमका अनुसार सरकारले खतराको संकेत गर्दै सबैलाई सुरक्षित र सतर्क अवस्थामा रहन पनि आग्रह गरेको छ । नौ व्यक्तिको शव इवेटे प्रान्तको एक नर्सिङ्ग होमनजिकै फेला परेको र सोही प्रान्तको कुजी सहरमा एक महिलाको शव पनि फेला परेको स्थानीय प्रहरीले जनाएको छ ।

तूफानको कारण सुदूर उत्तर होक्काइदो प्रान्तमा तीन व्यक्ति वेपत्ता भएका छन् । सोही तूफानले होक्काइदो प्रान्तको टोहोकु क्षेत्रमा चार लाख व्यक्तिलाई खतरा पुर्‍याएको भन्दै उद्वारगरी अन्यत्रै सारिएको बताइएको छ ।