रुपन्देही समाज जापानले सेप्टेम्बर ३ मा तीज कार्यक्रम गर्ने

टोकियो – नेपाली नारीहरुको महानपर्व हरितालिका तीजको अवसरमा रुपन्देही समाज जापानले अघिल्ला वर्षहरुमा जस्तै यस वर्ष पनि तीज बिशेष कार्यक्रम गर्ने भएको छ ।

तीज बिशेष साँगीतिक कार्यक्रमका साथमा आफ्ना चेलीबेटीहरुलाई तीजको दर खुवाउनुका साथै जिल्लाबासीहरुबीच भेटघाट गर्ने उद्देश्यले तीज बिशेष कार्यक्रमको आयोजना गरिएको अध्यक्ष पशुपति गिरीले बताउनुभयो ।

कार्यक्रम आउँदो शनिवार साँझ ६ बजेदेखि शिन ओकुबोस्थित टोकियो रोधी क्लवमा हुने भएको छ ।

कार्यक्रममा टोकियो रोधी क्लवका चर्चित कलाकारहरुले तीज बिशेष साँगीतिक कार्यक्रम प्रस्तुत गर्ने भएका छन् ।  कार्यक्रममा उपस्थित भईदिन जापानवासी नेपाली चेलीबेटीहरुलाई बिशेष अपिल गरेको छ ।  ***