काठमाडौँ – राप्रपा नेपालले प्रधानमन्त्री निर्वाचनमा प्रचण्डको विपक्षमा मतदान गर्ने निर्णय गरेको छ । 
आज विहान बसेको कार्यसम्पादन समितिको बैठकले यस्तो निर्णय गरेको हो । मंगलबार प्रचण्डले राप्रपा नेपालका अध्यक्ष कमल थापालाई भेटेर र टेलिफोनमा सहयोगका लागि आग्रह गरे पनि पार्टीको यस्तो निर्णय आएको हो ।
यो निर्णयसंगै राष्ट्रिय प्रजातन्त्र पार्टी राप्रपासंग हुने भनिएको पार्टी एकीकरण पनि नहुने लगभग पक्का भएको छ । राप्रपाले भने यसअघि नै सरकारमा जाने निर्णय गरिसकेको छ ।
