काठमाडौँ – एक साता लामो चीन भ्रमण सकेर उपराष्ट्रपति नन्दबहादुर पुन ‘पासाङ’ आज स्वदेश फर्कदै हुनुहुन्छ ।
उपराष्ट्रपति पुन चीनको कुन्मिङबाट चाइना इस्टर्न एयरलाइन्सको एम यू ५७२३ विमानमार्फत बिहीबार दिउँसो सवा ३ बजे त्रिभुवन विमानस्थलमा अवतरण गर्ने बताईएको छ । पुन चीनको औपचारिक निमन्त्रणामा गत जेठ २८ मा त्यसतर्फ प्रस्थान गर्नुभएको थियो ।
चौथो चीन दक्षिण एशिया एक्स्पो तथा २४ औँ चीन कुन्मिङ आयात निर्यात व्यापार मेलाको उद्घाटन समारोहमा विशिष्ट अतिथिको रुपमा सहभागी हुन उपराष्ट्रपति पुन चीन गर्नुभएको थियो ।
यस्तै पुनले चीनका उपप्रधानमन्त्री वाङ याङसँगको भेटमा राष्ट्रपति विद्यादेवि भण्डारीले नेपाल भ्रमणका लागि चिनियाँ राष्ट्रपति सि जिनपिङलाई पठाएको निमन्त्रणा पत्र चीनका उपप्रधानमन्त्रीमार्फत हस्तान्तरण गर्नुभएको थियो ।
