काठमाडौँ – पूर्वराजा ज्ञानेन्द्र शाह, स्व.पूर्वप्रधानमन्त्री सूर्यबहादुर थापा लगायतका विरुद्ध सत्य निरुपण तथा मेलमिलाप आयोगमा उजुरी परेको छ ।
रामेछापको दोरम्बा हत्याकाण्डका पीडित १५ परिवारले बिहीबार आयोगको कार्यालय बबरमहलमा उजुरी दिएका हुन् । उजुरी दिँदै उनीहरूले स्वतन्त्र र कुनै प्रभावमा नपरी घटनाको छानबिन गर्न र दोषी उपर कारबाही गरी न्याय दिलाइदिन पनि माग गरेका हुन् । पीडितहरुले तत्कालीन राजा ज्ञानेन्द्र शाह र तत्कालीन प्रधानमन्त्री सूर्यवहादुर थापाका अलावा कमल थापा, अनन्तराज शर्मा पाण्डे, प्यारजंग थापा, श्यामभक्त थापा, चूडामणि बस्याल, रामप्रसाद श्रेष्ठ र राममणि पोखरेल लगायतका विरुद्ध जाहेरी दिएको बताइएको छ ।
उक्त घटना हुदाँ कमल थापा गृहमन्त्री, अनन्तराज शर्मा पाण्डे गृहसचिव, प्यारजंग थापा प्रधानसेनापति हुनुहुन्थ्यो । तत्कालीन विद्रोही माओवादी र सरकारबीच दाङको हापुरेमा वार्ता चलिरहेको समयमा राज्यपक्षद्वारा माओवादी जनसरकार प्रमसखर बाबुरमा लामासहित २२ जना माओवादी नेताकार्यकर्ताको सामूहिक हत्या गरिएको निवेदकहरुको दाबी गरेको आजको राजधानी दैनिकमा खबर छ ।
