काठमाडौं – नेपाल पत्रकार महासंघको २४ औं महाधिवेशन आज राजधानी काठमाडौंको प्रज्ञाभवन कमलादीमा सुरु भएको छ । महाधिवेशनको प्रधानमन्त्री सुशील कोइरालाले दीप प्रज्वलन गरी उदघाटन गरेका छन । महासंघका सभापती शिव गाउँलेको सभापतित्वमा भएको उदघाटन समारोहमा उपाध्यक्ष यशोदा तिम्सिनाको स्वागत भाषण रहेको थियो ।
उदघाटन समारोहमा पत्रकारितामार्फत बिभिन्न क्षेत्रमा महत्वपूर्ण योगदान पुर्याउने पत्रकारहरुलाई सम्मान पनि गरियो ।
समारोहमा नेकपा एमालेका अध्यक्ष झलनाथ खनाललगायतका दलका नेताहरुले महाधिवेशनको सफलताको शुभकामना दिएका छन् । एनेकपा माओबादीका अध्यक्ष प्रचण्ड भने उता बिराटनगरमा पार्टीको राष्ट्रिय सम्मेलनमा ब्यस्त रहनुपरेको भन्दै पठाईएको लिखित शुभकामना पढेर सुनाईएको थियो । यसैगरी सूचना तथा संचारमन्त्री डा. मिनेन्द्र रिजालले पनि शुभकामना दिएका थिए ।
महासचिव ओम शर्माद्वारा सञ्चालन भईरहेको महाधिवेशन जारी छ ।
देशबिदेशबाट गरी १६५० जति पत्रकारहरुले माहाधिवेशनमा भाग लिईरहेका छन ।
महाधिवेशनमा पत्रकार महासंघ जापानबाट भूषण घिमिरे, शरद शेरचन र छक्कू उदासी ३ जनाले भाग लिईरहेका छन् । समाचार अपडेटमै रहने छौं, हामीसंगै रहनुहोला । ***