टोकियो - जापानको राजधानी टोकियोमा अवस्थित एभरेष्ट इन्टरनेशनल स्कुल, जापानले आफ्नो नयाँ शाखा 'एभरेष्ट इन्टरनेशनल स्कुल, आराकावा क्याम्पस' सञ्चालनमा ल्याएको छ । सन् २०१३ मा स्थापना भएको विद्यालय नेपाल सरकारबाट मान्यता प्राप्त नेपालबाहिरको एक मात्र विद्यालय हो, जहाँ कक्षा नर्सरीदेखि कक्षा १२ सम्म अध्ययन अध्यापन गराइन्छ । विशेष गरी उएनो, निप्पोरी, ओकुबो, माचिया तथा साइतामा क्षेत्रमा बसोबास गर्ने नेपाली समुदायका बालबालिकालाई लक्षित गरी विद्यालयले नयाँ क्याम्पस सञ्चालनमा ल्याएको हो ।

काठमाडौं - झन्डै दुईतिहाइको सरकार र दलहरूका गतिविधिबाट नागरिकमा बढिरहेको असन्तुष्टिको पृष्ठभूमिमा आइतबार राजावादीहरूले गणतन्त्रवादीलाई झस्काउने गरी शक्तिप्रदर्शन गरे । पूर्वराजा ज्ञानेन्द्र शाहको स्वागतमा उनीहरूले गणतन्त्र स्थापनापछि पहिलोपटक काठमाडौंमा यति ठुलो प्रदर्शन गरेका हुन् । यसले दल र नेताहरूलाई सुध्रिन दबाब बढाएको छ । तर सडकमा उत्रिएका विभिन्न राजावादी समूहबीच फुट देखिन थालेको छ ।