बुढानिलकण्ठमा मन्त्रीसहित कांग्रेस संसदीय दलको बैठक

काठमाडौं – नेपाली कांग्रेसबाट सरकारमा सहभागी मन्त्रीहरूको बैठक सुरु भएको छ । पार्टी सभापति शेरबहादुर देउवाले बोलाएको बैठक उनको निवास बूढानीलकण्ठमा सुरु भएको हो ।

सभापति देउवाले बुधबार कांग्रेसका सबै मन्त्रीलाई आज छलफलका लागि बोलाएका थिए । मन्त्री भएपछि आफूले गरेको कामको प्रगति विवरण र सामना गर्नुपरेका समस्याहरू ब्रिफिङ गर्न देउवाले कांग्रेसका तर्फबाट सरकारमा सहभागी मन्त्रीहरूको बैठक बोलाएका हुन् ।

नेकपा (एमाले)का अध्यक्ष केपी शर्मा ओली नेतृत्वको वर्तमान सरकारमा कांग्रेसबाट आठ मन्त्री छन् । मन्त्रीहरूको कामका विषयमा जनगुनासो बढेपछि देउवाले छलफलका निम्ति बोलाएका हुन् ।