रवि लामिछाने पोखरा एयरपोर्टमा, पोखरा-काठमाडौं-सिमरा हुँदै वीरगन्ज लगिने

समाचार सुन्नुहोस : 

काठमाडौँ – पूर्व उपप्रधानमन्त्री तथा गृहमन्त्री रवि लामिछानेलाई पर्सा लैजाने तयारी स्वरूप पोखरा अन्तर्राष्ट्रिय विमानस्थल पुर्‍याइएको छ। राष्ट्रिय स्वतन्त्र पार्टीका सभापति समेत रहेका लामिछानेलाई वीरगन्जमा बयानका लागि सिमरा हुँदै लैजान विमानस्थल पुर्‍याइएको प्रहरीले जनाएको छ।

प्रहरीका अनुसार पोखराबाट काठमाडौं, त्यसपछि सिमरा हुँदै वीरगन्जमा लगेर उनलाई सहकारी ठगी प्रकरणसम्बन्धी बयान गराउने योजना छ। पर्साको सानोपाइला सहकारी ठगी प्रकरणमा पनि लामिछानेलाई पक्राउ पूर्जी जारी भएकाले थप अनुसन्धानका लागि त्यहाँ पुर्‍याउन लागिएको हो।

गत कात्तिक २ गते काठमाडौंबाट पक्राउ परेका लामिछानेविरुद्ध यसअघि कास्की, रूपन्देही, काठमाडौं र चितवनमा अनुसन्धान गरिसकिएको छ। अब पर्सामा थप बयान लिइनेछ।