एनपीएलमा आज छैनन् कुनै खेल, भोलि दुईवटा

समाचार सुन्नुहोस : 

काठमाडौँ – नेपाल प्रिमियर लिग (एनपीएल) क्रिकेटमा आज (सोमबार) कुनै खेल छैनन्। आज खेलाडीको आरामका लागि कुनै खेल नराखिएको बताइएको छ। भोलि, मंगलबार भने दुई खेल हुनेछन्। पहिलो खेलमा चितवन राइनोजले लुम्बिनी लायन्ससँग प्रतिस्पर्धा गर्नेछ। यो खेल बिहान ९ बजे कीर्तिपुरस्थित त्रिभुवन विश्वविद्यालय अन्तर्राष्ट्रिय मैदानमा सुरु हुनेछ।

दोस्रो खेल कर्णाली याक्स र पोखरा एभेन्जर्सबीच दिउँसो १ बजे सुरु हुनेछ। नेपाल क्रिकेट संघ (क्यान)का अनुसार, आजको दिन खेलाडीहरूलाई विश्राम दिनका लागि छुट्याइएको हो।