आदेश पालना गर्न पशुपति क्षेत्र विकास कोष र काठमाडौँ महानगरलाई अदालतको निर्देशन

समाचार सुन्नुहोस : 

काठमाडौँ – उच्च अदालत पाटनले पशुपति क्षेत्र विकास कोष र काठमाडौं महानगरपालिकालाई आदेश पालना गर्न निर्देशन दिएको छ। अदालतले मारवाडी सेवा समिति नेपालको रिट निवेदनमाथि सुनुवाइ गर्दै यस्तो आदेश जारी गरेको हो।

अदालतले निवेदक समिति र विपक्षी कोषविरुद्ध उत्प्रेषण परमादेशसमेत जारी गरेको छ। साथै, आदेशको प्रमाणित प्रतिलिपि सम्बन्धित पक्षहरूलाई पठाउँदै उक्त आदेशअनुसार आवश्यक कदम चाल्न भनिएको छ।

यसअघि, धर्मशालामा भइरहेको काम कारबाहीमा अवरोध नगर्न भनी अदालतले अल्पकालीन अन्तरिम आदेश जारी गरेको थियो। तर, काठमाडौं महानगरले विभिन्न कारण देखाउँदै आदेश कार्यान्वयनमा ढिलाइ गरिरहेको देखिएको छ।