लुम्बिनीले पोखरालाई दियो १७१ रनको लक्ष्य, रोहितको उत्कृष्ट प्रदर्शन

समाचार सुन्नुहोस : 

काठमाडौँ – नेपाल प्रिमियर लिग (एनपीएल) को खेलमा लुम्बिनी लायन्सले पोखरा एभेन्जर्सलाई १७१ रनको लक्ष्य प्रस्तुत गरेको छ। कीर्तिपुरस्थित त्रिवि क्रिकेट मैदानमा टस जितेर पहिले ब्याटिङ गरेको लुम्बिनीले २० ओभरमा ५ विकेट गुमाउँदै १७० रन बनायो।

लुम्बिनीका कप्तान रोहित पौडेलले उत्कृष्ट प्रदर्शन गर्दै ५९ बलमा ९५ रन जोडे। उनले टम मुर्ससँग चौथो विकेटका लागि महत्त्वपूर्ण शतकीय साझेदारी गरेका थिए। मुर्सले ४५ रन बनाएर आउट भए। तर, लुम्बिनीका ओपनरहरू शून्य रनमै पवेलियन फर्किए भने सन्दीप जोराले १८ रन थपे। विवेक भने २ रनमा अविजित रहे।

बलिङतर्फ पोखरा एभेन्जर्सका विपीन खत्रीले २ विकेट लिँदा म्याट क्रिट्लेले १ विकेट आफ्नो नाम गरे। अब पोखरा एभेन्जर्सले जितका लागि १७१ लक्ष्य भेटाउनु पर्नेछ।