मेरो बिहेको खबरले म आफैं चकित छु : पल शाह

काठमाडौं – सामाजिक सञ्जालका विभिन्न माध्यममा बिहे हुने अफवाह फैलिएपछि अभिनेता पल शाहले प्रतिकार गरेका छन् । शुक्रबार फेसबुकमा पोस्ट राख्दै आफ्नो बिहेको खबर सुन्दा आफैं चकित परेको लेखेका छन् ।

शाहको माघ महिनामा बिहे हुने भन्दै विभिन्न युवतीको नाम जोडेर चर्चा गरिएको छ । ‘मेरो बिहेको खबरले म आफैं चकित छु,’ उनी लेख्छन्, ‘साथी भाइहरूले गर्नु भएको चिन्ता र चासोको कदर गर्दछु । तर यहाँहरूलाई स्पष्ट होस यो खबरमा कुनै सत्यता छैन ।’