भुटानी राजाले गरे स्वयम्भूनाथ दर्शन

समाचार सुन्नुहोस : 

काठमाडौँ – भुटानी राजा जिग्मे खेसर नाम्गेल वाङचुकले विश्वसम्पदा सूचीमा परेको ऐतिहासिक स्वयम्भूनाथ स्तूपको पूजा गर्दै दर्शन गरेका छन्। स्वयम्भूनाथ परिसरमा राजा वाङचुकलाई स्वागत गर्न स्वयम्भू व्यवस्थापन तथा संरक्षण महासमितिका पदाधिकारीहरू उपस्थित थिए। करिब आधा घण्टा समय त्यहाँ बिताउँदै उनले स्वयम्भूनाथ परिसरबाट काठमाडौँ उपत्यकाको मनोरम दृश्य अवलोकन गरे।

आज बिहान नेपाल आएका राजा वाङचुकले स्वयम्भूनाथको पूजा पछि बौद्धनाथ स्तूपको पनि दर्शन गर्ने कार्यक्रम रहेको छ। भारत भ्रमण सकेर स्वदेश फर्कने क्रममा काठमाडौँ आइपुगेका भुटानी नरेश आजै स्वदेश प्रस्थान गर्ने परराष्ट्र मन्त्रालयले जनाएको छ।