भुटानका राजा आज नेपाल आउँदै

समाचार सुन्नुहोस : 

काठमाडौँ – भुटानका राजा जिग्मे वाङचुक आज नेपाल भ्रमणमा आउने भएका छन्। हाल भारत भ्रमणमा रहेका राजा वाङचुक ड्रुक एयरको उडान नम्बर केबी २०५ बाट शुक्रबार बिहान काठमाडौं अवतरण गर्ने छन्।

राजाले १९ सदस्यीय टोलीको नेतृत्व गर्दै नेपाल भ्रमण गर्न लागेका हुन्। उक्त टोलीमा भुटानी ऊर्जामन्त्री, विदेशसचिव, नेपालका लागि भुटानी राजदूत तथा सुरक्षा अधिकारीहरू सम्मिलित छन्। काठमाडौं आएपछि भुटानी राजा बौद्धनाथ र स्वयम्भूनाथका धार्मिक स्थलहरूको दर्शन गर्ने कार्यक्रम रहेको छ।

भुटानका राजाको आगमनसँगै गृह मन्त्रालयले उच्च सुरक्षा सतर्कता अपनाएको छ। राजाको भ्रमण हुने बौद्धनाथ, स्वयम्भूनाथ र आसपासका क्षेत्रको सुरक्षा व्यवस्थालाई कडा बनाइएको छ। यो भ्रमण भुटान–नेपालबीचको सम्बन्धलाई थप प्रगाढ बनाउन महत्वपूर्ण हुने अपेक्षा गरिएको छ।