समाचार सुन्नुहोस :
काठमाडौँ – साइप्रसको लिमासोलको आइओस क्षेत्रमा दुई नेपाली युवकमाथि छुरा प्रहार भएको छ। घाइतेमध्ये एक ३३ वर्षीय र अर्को २५ वर्षीय युवक रहेका छन्।
उनीहरू आज बिहान घाइते अवस्थामा फेला परेका हुन्। स्थानीय सिटी सीआईडीले घटनाको अनुसन्धान गरिरहेको छ। घाइतेमध्ये एकजनाको अवस्था गम्भीर छ र उनको उपचार लिमासोल जनरल अस्पतालको इन्टेन्सिभ केयर युनिटमा भइरहेको छ।
आक्रमणकारीको पहिचान अझै हुन नसकेको र अधिकारीहरूले प्रमाण संकलन गरिरहेका छन्। घाइतेहरूलाई काँधमा छुरा प्रहार गरिएको पाइएको छ।
