समाचार सुन्नुहोस :
काठमाडौँ – आज बिहान घर भत्काउन आएको जंगली हात्ती धपाउने क्रममा आक्रमणमा परेर झापाका एक युवकको मृत्यु भएको छ। हात्तीको आक्रमणबाट शिवसताक्षी-११ दुधेका ४५ वर्षीय मेघराज राईको मृत्यु भएको जिल्ला प्रहरी कार्यालय झापाले जनाएको छ ।
कार्यालयका प्रवक्ता खगेन्द्र रिजालकाअनुसार हात्तीले मध्यरातमा घर भत्काउन थालेपछि धपाउने क्रममा राईलाई आक्रमण गरेको र उनको घटनास्थलमा नै मृत्यु भएका थियो । हात्तीको तोडफोडबाट रु एक लाख ५० हजार बराबरको क्षति भएको प्रहरीले जनाएको छ । योसँगै झापामा चालू आर्थिक वर्षमा हात्तीको आक्रमणबाट चारजनाको मृत्यु भइसकेको छ ।
