समाचार सुन्नुहोस :
काठमाडौँ – हिमालय एयरलाइन्सले चीनको सांघई सहरमा सिधा उडान सुरु गरेको छ। एयरलाइन्सले चीनको ठूलो सहर सांघाईमा शनिबारदेखि नियमित उडान प्रारम्भ गरेको हो। त्रिभुवन अन्तर्राष्ट्रिय विमानस्थलबाट आज बिहान ९ः२० बजे एक सय ३७ यात्रुसहितको हिमालयको जहाज सांघाई उडेको हो। उक्त जहाज सांघाईबाट यात्रु लिएर आज राति नौ बजे काठमाडौं विमानस्थलमा अवतरण गर्ने एयरलाइन्सले जनाएको छ।
काठमाडौं-साङघाई उडान पाँच घण्टा २० मिनेटको हुनेछ। हरेक शनिबार विहान नियमित उडान हुने कम्पनीले जनाएको छ। सांघाईमा हिमालय एयरलाइन्सको यो पहिलो उडान हो। योसहित कम्पनीले चीनको राजधानी बेइजिङसहित विभिन्न नौ सहरमा उडान विस्तार गरेको छ।
