उपाधि होड रोमाञ्चक : ३ अंक बटुल्दै सिटी नजिक आर्सनल

काठमाडौं – ईङलिश प्रिमियर लिग अन्तर्गत आर्सनलले न्यूक्यासल युनाइटेडलाई पराजित गरेको छ । गएराती सम्पन्न खेलमा आर्सनलले न्यूक्यासललाई २-० गोल अन्तरले पराजित गरेको हो ।

आर्सनलको जितमा मार्टिन ओडेगार्डले एक गोल गरेका थिए भने एक गोल न्यूक्यासलका फाबियन स्चारले आत्मघाती गोल गरेका थिए ।

यो जितपछि आर्सनलको ३५ खेलमा ८१ अंक भएको छ र शीर्ष स्थानमा रहेको म्यानचेस्टर सिटी भन्दा एक अंकले पछाडि रहेको छ । यद्यपि म्यानचेस्टर सिटी एक खेल कम खेलेको छ । न्यूक्यासल युनाइटेडको भने ३४ खेलमा ६५ अंक रहेको छ र लिगमा तेस्रो स्थानमा रहेको छ ।