काठमाडौं – नेपाल नागरिक उड्डयन प्राधिकरणले जहाजमा चरा ठोकिएको भनेर भ्रम फैलाएको आरोपमा फ्लाई दुबईका दुई जनालाई कारबाही गरेको छ ।
प्राधिकरणका अनुसार फ्लाई दुबईका कन्ट्री म्यानेजर र विमानस्थल म्यानेजरलाई विमानस्थल प्रवेशमा रोक लगाइएको छ । उनीहरूको एयरपोर्ट प्रवेशको पाससमेत निष्क्रिय पारिएको प्राधिकरणले जनाएको छ । सोमबार राति ९ : २० बजे काठमाडौंस्थित त्रिभुवन अन्तर्राष्ट्रिय विमानस्थलबाट उडेको फ्लाई दुबईको जहाजको एउटा इन्जिनमा समस्या आएपछि ठूलो आवाजसहित आगो निस्किएको थियो ।
एउटा इन्जिनमा समस्या आए पनि उक्त जहाज दुबई पुग्न सकिने भएपछि गन्तव्यका लागि उडेको थियो । तर दुबईको आधिकारिक पेजबाट उक्त जहाजमा चरा ठोकिएको (बर्ड स्ट्राइक) भनेर उल्लेख गरिएको थियो । प्राधिकरणले चरा ठोकिएको प्रमाण नभेटिएको र भ्रम फैलाएको ठहर गर्दै दुई म्यानेजरलाई कारबाही गरेको हो । उनीहरूलाई कारबाही गरेको हो ।
हिजो रातीको Fly Dubai flight no. FDZ576 (B737-800) काठमाडौँ-दुबई उडानमा bird strike भएको भनेर भ्रमपूर्ण समाचार फैलाएकोले Fly Dubai का Country Manager र Airport Manager लाई विमानस्थल प्रवेशमा रोक लगाई निजहरूको airport pass समेत निष्क्रिय पारिएको छ। pic.twitter.com/naoFp9QWOS
— Civil Aviation Authority of Nepal (@hello_CAANepal) April 25, 2023
