काठमाडौं – रेलले किचेर धनुषामा १ जनाको मृत्यु भएको छ। जयनगरबाट जनकपुरका लागि छुटेको रेलले किचेर १ जनाको मृत्यु भएको हो। मृत्यु हुनेमा धनुषाको नगराईन नगरापालिका राघोपुर बस्ने पुरण सदा रहेका छन्। धनुषाको विदेह नगरपालिकामा रहेको वैदेही स्टेशनबाट रेल चढ्ने क्रममा खुट्टा अड्किएर रेलले किचेको थियो।
रेलले किच्दा उनको घटनास्थलमै मृत्यु भएको जिल्ला प्रहरी कार्यालय धनुषाका प्रमुख प्रहरी उपरीक्षक (एसपी) विश्वराज खड्काले जानकारी दिए। प्रहरीका अनुसार स्टेशनबाट छुट्न लागेको रेलमा जबरजस्ती चड्न खोज्दा उनको खुट्टा अड्किएको थियो। त्यसपछि लिगमा खस्दा रेलले किचेको थियो।
